Bisan may ginabatyag nga kakulba, nangisog ang appointed city councilor nga si Pao Sy nga magsaka sa opisina sang iya amay sa Bacolod City Government Center kaupod ang katapo sang Asenso Bacolod sang Huwebes.
Si Pao Sy amo ang gin-appoint sang malakanyang agud mag-tal-us sa iya nagtaliwan nga amay nga si anay councilor Elmer Sy.
Upod sanday mayoralty candidate albee benitez una nila nga ginhapitan ang opisina ni Vice-Mayor Elcid Familiaran nga nag-abi abi naman sa ila pag-abot.
Suno kay Pao Sy, malip-ot ang apat ka bulan para sa madamo nga programa kag adbokasiya sang iya amay nga luyag niya mapadayon.
Isa sa iya tagaan man sang prayoridad amo ang pagtukod sang city bloodbank.
Si Pao ang binulan man antes nakapungko sa pwesto sang iya amay.
Natapos na ang iya pagpanumpa. Pero magahulat anay sang mandu gikan sa Department of Interior and Local Government si Vice-Mayor Elcid Familiaran para sa opisyal nga pagkilala kay Sy bilang panibag-o nga katapo sang konseho sang siudad.