Detailed Engineering Design para sa Panay-Guimaras-Negros Island Bridge project ang 82 percent na nga nahuman. Ginapaabot sa madason nga tuig masuguran na ang construction para sa Section A ukon ang sa Panay-Guimaras Bridge.
Ini suno kay Engr Jessica Andaya sang Department of Public Works and Highways Central Office-Roads Management Cluster 1 sa ila sini nga update nga ginhatag kay Bago City Mayor Marina “Mayette” Javellana-Yao sang sila ang nag courtesy visit sini nga adlaw.
Sa post sang The CityBridge, gin-present ni Andaya sa alkalde ang Panay-Guimaras-Negros Island Bridge Project overview lakip na man ang ila nga request para sa field office sa siudad.
Tigayon na nga na identify sang DPWH ang initial location sang field office nga amo ang maga uyat sang bridge project kag sila ang naga hulat na lamang sang approval sang local government.
Suno kay Andaya ang Detailed Engineering Design ang naga sige kag target nila nga ma kumpleto ini sa sini nga Setyembre.
Yara na sa 82 percent ang detailed engineering design gani sa madason nga tuig gina paabot suno sa iya nga masuguran ang construction sang Section A nga naga cover sang Panay kag Guimaras.
Samtang, ang Section B naman naga cover sang Guimaras kag Negros.
“For the percentage it’s around 82 percent, the whole percentage of the DED – the detailed engineering design. We are in the DED. So next year we are expecting to begin the construction of Section A”, suno kay Andaya.
Dugang pa niya ang landing sang bridge ang konektado sa Negros South Road kun sa diin ang isa ka side sang amo nga dalan ang napahamtang sa Bago City.
Ang Panay-Guimaras bridge nagalaba sang 13 kilometers, kag ang Guimaras-Negros stretch nagalaba sang 19.47 kilometers.
Yara man sa pagsinapol sanday Engineer John Erick Nuga, mga project consultant nga sanday Kang Kongkyu kag Shin Kyungha.