Panawagan sang transport group nga pagbasura sang pag-phase out sang traditional jeepney kag pag-review sang Excise Tax ipalab-ot ni Congresman Greg Gasataya sa Kongreso.
Ginahinyo sang katapo sang Negros Bacolod Transport Coalition kay Congressman Greg Gasataya nga kuntani mabuligan sila sa panawagan nga mabasura anay ang pag-phase out sang mga traditional nila nga jeep sandig man sa ginapatuman nga modernization program sang Department of Transportation.
Kabahin man diri ang paghatag sang Land Transportation Franchising and Regulatory Board ukon LTFRB sang extension sa provisional authority agud nga makabyahe ang ila mga depasahero nga salakyan.
Ginpasalig ni Congressman Gasataya nga ini ang iya ipalaba-ot sa pagbukas sang 19th Congress, nalakip na ang panawagan para sa temporary suspension sang Excise Tax ilabi na karon nga padayon ang pagsaka sa presyo sang produkto petrolyo.
Plano man sang kongresista nga mag dialog upod sa opisyales sang LTFRB agud mapangitaan sang solusyon ang problema sang transport sector sa probinsya kag Bacolod.