Shadow

Pagkaayo sang dalan nga apektado sang landslide sa Brgy. San Fernando ginmando ni Lizares

Ang lokal nga panguluhan sang Talisay kag sang Negros Occidental ang maga patuman sang tikang agudto gilayon nga ma aktuhan ang landslide sa Sitio Tambara,Brgy. San Fernando sa Talisay City.

Suno kay Provincial Administrator Rayfrando Diaz peligroso ang sitwasyon kag madamo nga pumuluyo ang apektado sa pag ab-ab sang duta. Gina lantaw ang pagbutang sang retaining wall. Nagsugdan na ang pagsugilanon sa tunga sang talisay city kag probinsya.

Sa karon, temporaryo nga wala gina paagyan sa salakyan ang bahin sang apektado nga dalan. Ini kuntani ang alagyan sang mga turista sa mga waterfalls kag kapehan.

Suno kay Diaz ang program of works ang gina handa na.

Padayon pa ang pagsugilanon para mapat-od ang ulubrahon lakip na diri ang bahin sa funding kag ang counterpart sang Negros Occidental.

Para sa probinsya, mahimo nga maga gikan ang pondo sa disaster fund ukon sa savings gikan sa general fund.

May road project man ang probinsya sa amo nga lugar nga wala pa nahuman kag sa mas temprano maayo man suno kay Diaz nga nakit-an na ang problema.

Secured By miniOrange