Department of Social Services and Development may bag-o na nga officer-in-charge matapos nga maga retiro na si Sally Abelarde ang pamuno, sini nga semana.
Ang anay PWD Affairs Officer nga si Alma Gustilo amo ang magatal-us bilang officer-in-charge sang Bacolod DSSD karon nga magaretiro na si Abelarde bilang pamuno sang DSSD sa edad nga 65.
May masobra man sa pito ka bulan nga liwat nga nagpangalagad si Abelarde sa DSSD sa idalom sang Benitez administration.
Nangin anay DSSD head siya sadto sa idalom sang Leonardia administration.
Kabahin naman sa mga proyekto nga karon natalana padayunon ni Gustilo amo ang pagkaayo sang Youth Home sa Barangay Vista Alegre.
Ginsiling man ni Mayor Albee Benitez, nga mangin kabulig man sang panibag-o nga OIC si anay Konsehal Atty. Sonya Verdeflor nga consultant para sa social services.