Shadow

Construction sang interior roads sa Bacolod maga sige

Road construction sa dalan Tindalo sa Bacolod naga-sige sa pihak sang stoppage order sang Department of Public Works and Highways sandig man sa hinyo ni Mayor Albee Benitez.

Naghinyo ang alkalde nga pauntaton ang tanan nga mga road and drainage project nga ginapatuman sa siudad karon nga MassKara Festival.

Pero humalin sang Lunes nangin masako ang mga trabahador sang contractor sang DPWH sa pag-semento sang pihak nga lane sa Tindalo avenue extension.

Suno sa foreman nga si Joel Javier nasugdan na nila ang pag-preparar sang karsada amo nga ginhingagaw nila ang pag-ula sang semento.

Katorse dias ang curing period antes pa man liwat nga malabyan ang dalan.

man sang foreman nga antes pa man sang hinyo sang alkalde naka-lisenya na sila sa City Engineer’s Office para man mahingaw ang pagkaayo sang dalan.

Gina-usisa naman karon ni Engr. Loben Ceballos, officer-in-charge sang City Engineer’s Office kun diin kutob ang proyekto sang contractor agud mapasiguro nga indi sila makapadayon sa pagkalkal sang dalan sandig man sa request sang alkalde.

Ginpahayag man ni Ceballos nga may mga interior road project man karon ang CEO nga nagapadayon sa mga kabarangayan.

Magasige ini suno sa iya bangud malayo ini sa mga lugar nga masami naga-guot ang mga salakyan kada ginahiwat ang tuigan nga selebrasyon.

Secured By miniOrangeSecured By miniOrange