Sa karon si Police Major Junji Liba ang magapabilin gihapon nga tagpamuno sang Bacolod Traffic Authority Office kag concurrent head sang Traffic Enforcement Unit sandig sa pahayag ni Mayor Albee Benitez.
Nagapasalamat naman si Liba sa opportunidad.
Nagalaum man siya nga kuntani matapos na ang isyu sa tunga nila ni Councilor Al Victor Espino nga nagaduso sang revamp sa pamunuan sang BTAO.
Ginsiling ni Espino nga chairperson sang Committee on Transportation and Traffic sang konseho nga sibilyan ang dapat mamuno sang BTAO sandig man sa ordinansa.
Bukas man si Liba sa pagbaton sang ano man ang mangin desisyon sang alkalde tuhoy diri.
sa interview sang media kay Benitez sang weekend iya ginsiling nga wala sang isyu kag si Liba ang magapabilin nga pamuno sang BTAO. Si Liba ang nagtambong man kaina sang aga sa flag raising ceremony sang siudad kaupod si Benitez.