Napatay sang Biyernes sa Vicente Gustilo District Hospital sa Escalante City ang 20 anyos nga si Rajie Yap nga nahunong sa detention cell sang Escalante PNP bangud sang kaso nga frustrated homicide.
Si Yap ang gindala sa ospital sang Huwebes bangud sang iya reklamo nga sakit sa tiyan. Pagkasunod nga adlaw siya ang gin bawian na sang kabuhi.
Sandig sa report sang PNP, acute respiratory failure ang gin kamatay ni Yap.
Ginpahayag naman ni Colonel Romy Palgue, director sang Negros Occidental Police Provincial Office nga indi COVID-19 ang ginkamatay sang inmate bangud sa nag negatibo ini sa swab test.