Shadow

21 tanan ka persona arestado sa duha ka buybust operation sa Kabankalan

Kabankalan PNP photo

Gin aresto sang Sabado ang 17 ka mga persona sa isa ka buybust operation nga ginpangunahan sang Philippine Drug Enforcement Agency sa Barangay 6 sa Kabankalan City.

Kabahin sa naaresto ang gina alegar drug maintanier nga si Ricardo Garcia. Nakapalagyo naman ang duha pa ka mga persona nga gina alegar maintainer sang drug den. P102,000 nga balor sang ginapatihan shabu ang nakuha sa ila.

Samtang naaresto man sa separado nga buybust sang Biyernes sa Barangay Oringao sa Kabankalan ang apat ka mga persona lakip na ang subject sang buybust nga si Jeffrey Cortez nga nakuhaan man sang 38 caliber revolver.

P238,000 nga balor sang iligal nga droga ang nakuha sa ila.

Kaso nga pag lapas sang RA 9165 ang ipasaka batuk sa mga naaresto.

Secured By miniOrangeSecured By miniOrange