Panay -Guimaras-Negros Island bridges construction ang maga sugod sa 2025.
Sa page sang National Economic Development Authority Regional Office 6 – Western Visayas, napalayag nga ang pagtukod sang
189.53B pesos nga Panay-Guimaras-Negros ukon ang PGN Island Bridges Project maga sugod sa 2025.
Ini sa tion nga makumpleto na ang Detailed Engineering Design ukon D-E-D base sa schedule kag na aprobahan na ang funding kag implementation sang Investment Coordination Committee ukon ICC kag sang NEDA Board.
Suno sa NEDA ini agudto ma klaruhan man ang nag gwa nga balita sini gid lamang angut sa pag sugod sang bridge construction.
Ang proyekto suno sa NEDA ang nagbaton na sang tanan nga gina kinahanglan nga local endorsements humalin sa provincial, municipal kag city councils sa mga lugar nga ma lakipan sang construction project.
Angut diri nag pasar naman ang Regional Development Council VI sang resolution nga naga endorse sang funding kag implementation sang amo nga proyekto.