Construction sang P34M Cancer Care Center sa dalan Lacson sa Bacolod ginapaabot nga matapos sa Abril.
Magluwas sa ginatukod nga Bacolod City General Hospital, ongoing karon ang construction sang Department of Public Works and Highways sang P34M Cancer Care Center.
Ginpahayag ni Congressman Greg Gasataya nga sa Abril 2025 ginapaabot nga mahuman ang 2-storey infrastructure project sa dalan Lacson. Kabahin ini sa mga pasilidad sa idalom sang Corazon Locsin Montelibano Memorial Regional Hospital nga nagatuyo makabulig sa kadamuon sang cancer patients ilabi na sa Negros Occidental kag Bacolod.
Gindugang ni Gasataya nga nalakip sa plano ang pagbakal sang medical equipment para sa pag-operate sang cancer cancer center kabahin sang programa sang national government para mapasanyog ang specialty centers sa pungsod.