Nagapabilin karon sa 84 million liters a day ang supply sang tubig nga napalab-ot sang Baciwa-Primewater sa masobra 71,103 ka mga concessionaires.
Pero sa madasun nga tuig sarang mapasaka sang water utility ang water supply sa 107MLD pinaagi sa dugang nga 25MLD nga water supply halin sa Bacolod Bulk Water Incoporated Injection Facility 2 kag ang ma-panubuan kag ma-convert ang non-revenue water ukon nagakauyang nga tubig halin sa 38 percent panubo sa 25 percent.
Ginsiling ni Baciwa General Manager Mona Dia Jardin, ginapaabot nila nga malab-ot ang delivery sang 24/7 water supply sa tion nga mangin operational na ang ginatukod nga bulk water facility project sa Matab-ang river sa tuig 2026. Ang proyekto ang pwede makahatag sang dugang nga 15MLD nga madugang sa projected nga 178MLD nga water supply sa masunod nga tinuig.