Na detain sa karon sa Police Station 8 sa Bacolod City ang desi otso anyos nga construction worker nga si Edmon Sobregon.
Miyerkules sang iya ginbuno ang isa ka trese anyos nga solterito sa may Purok Sais sa Barangay Tangub sa Bacolod City.
Suno kay Edmon, na akig siya kay gina saskuhan sang biktima ang iya nga Facebook account.
Amo kun ngaa sang Miyerkules sang gab-i iya ini nga gin bantayan kag gin buno sang ice peak.
Suno sa commander sang Police Station 8 nga si Major Joery Puerto, nag sabtanay pa ang duha kag hinali na lang siya nga ginbuno sang suspek sa dalan sa gwa sang computeran.
Sa sini nga dalan natabo ang pagbuno sa biktima. Naka dalagan pa ini sa computeran para magpanugid sa iya nga amay.
Matapos ang insidente nag surrender man sa PNP ang suspek.
Nagpanawagan na lang si Sobregon sa iya ginikanan nga bisitahon siya sa presohan kay wala gid sila maka pakita sa iya.
Kahapon ginpasaka na ang kaso nga murder batuk sa iya.