Pagsapol sa tunga sang mga transition team sang incoming Benitez Administration kag outgoing Leonardia Administration ang nakahanda na bwas, Miyerkules.
Kumpleto na ang mga natipon nga dokumento sang technical working group sang transition team ni outgoing Mayor Evelio Leonardia halin sa mga city department.
Suno kay Secretary to the Mayor Ma. Victoria Parreñas handa naman ang tanan para sa pagsapol upod sa interim transition team ni Mayor-elect Albee Benitez 2pm sa Masskara Hall sang Bacolod City Government Center.
Upod sa Department of the Interior and Local Government, yara man sa meeting sang transition teams sanday City Administrator Edward Cuansing kag City Legal Officer Joselito Bayatan.
Ang pamuno sang City Treasurer’s office, Budget kag Accounting office, General Services Office, DSSD kag City Planning and Development Office.
Pangunahan naman ni re-elected Congressman Greg Gasataya, appointed City Administrator Boyet Maghari kag appointed City Legal Officer Romeo Carlos Ting, Jr. ang katapo sang interim transition team sang incoming Benitez Administration.