City Legal Officer sang Bacolod nagahulat na lamang sa katapo sang LGBTQ nga makig angut sa ila talatapan agud mapasakaan sang kaso ang mga pamatan on nga nagpainom sa iya sang tubig halin sa sapa nga turugban sang carabao.
Gintugyan na ni Festival Director Atty. Pinky Mirano-Ocampo kag sang organizer sang bike race ang pagpasaka sang kaso batuk 3 ka mga pamatan on nga nangsasko sa biker nga katapo sang LGBTQ plus.
Sa nag viral nga video, makita ang isa sa tatlo ka mga ginakabig race spectator nga nagkuha sang tubig sa sapa nga malapit sa turugban sang carabao nga amo ang iya ginpainom sa tagreklamu.
Makita man sa video ang pagbasya nila sang tubig sa biker samtang nagakinadlaw matapos ang nahimu nga prank.
Suno kay Atty. Romeo Carlos Ting, Jr., magahulat sila sa tagreklamu agud nga mapasakaan sang kaso ang mga responsable sa pagpangsasko.
Upod sa organizer sang bike race kag Yuhom Foundation Incorporated, ginpakamalaut man sang siudad ang ginhimu sang mga nakilal an na nga mga responsable sa prank.