Shadow

7 sa 35 ka water refilling stations sa EB Magalona ginpasira kay wala permit

EB Magalona LGU photo

Pito ka mga water refilling station sa banwa sang EB Magalona ang temporary nga gin pasira.

Suno kay Mayor Marvin Malacon wala sang naga kaigo nga permit ang pito sa 35 ka mga water refilling station sa banwa rason nga gin serbe kahapon, Lunes, sa ila ang notice para temporaryo nga magsira tubtob nga sila ang maka comply.

“Out of 35 ang may permit is 28, so seven. Kahapon ang notice nila. Wala gid (permit). Ga operate without a permit” suno kay Malacon.

Kahapon nagsapol ang Municipal Health Office nga gina pamunuan ni Der Edmundo Janeo sa mga tag-iya kag operator sang refilling station kasunod sang ginreport nga cholera case sa banwa.

Gina require naman ang mga naga operate nga refilling water station sang regular nga bacteriological testing gikan sa mga accredited nga laboratories sang DOH. Gina hinyo nga ini ang ila nga itapik sa ila mga refilling station.

Sa karon padayon pa nga gina hulat sang banwa ang resulta sang laboratory test sa water sample gikan sa Barangay Batea kun sa diin na record ang cholera case.

Secured By miniOrangeSecured By miniOrange