Pagpaniro isa ka pamilya sa La Castellana isa lang ka kaso sang mistaken identity suno sa PNP.
Duha ka mga suspek arestado. Tigayon nga na aresto sang La Castellana PNP and duha sa anum ka mga suspek sa pag hold-up kag pag paniro kahapon sa Barangay Robles sa La Castellana kun sa diin duha ka persona ang pilason.
Ang mga naaresto amo sanday Rene Boy Abrico, 45 anyos kag Augusto Tubongbanua Jr. 39 anyos. Suno kay Staff Sergeant Andronico Tribaco ang imbestigador sa amo nga kaso, positibo man nga nakilala sang mga biktima ang duha ka suspek nga kabahin sa nagpaniro.
At large pa ang apat pa nila ka upod. Nagadalagan kahapon ang salakyan sang mga biktima sang hinali ini balabagan sang mga suspetsado kag ginpaarakan tiro.
Ila pa gin kawatan ang mga biktima. Padayon nga ginabulong sa ospital ang mag-iloy nga sanday Shem kag Chona Galimba. Apang dugang pa ni Tubongbanua, mitaken identity ang natabo nga pag paniro bangud nga lain kuntani ang target nga kawatan sang mga suspek. Gintuad sang mga suspek suno sa Pulis, nga isa ka Indian National amo kun tani ang ila target nga i-hold up apang sala nga salakyan ang ila na strafing. Kaso nga Robbery with physical injuries ang ipasaka batuk sa mga gindakop.