Isa ka Health Summit sa probinsya ang natalana Nobyembre.
Suno kay Dr Ernell Tumimbang, Provincial Health Officer ini ang pag panghanda para sa Universal Health Care.
Sa tuig 2023, gina lauman ang full implementation sini. Isa sa gina paabot amo ang pag pat-od sang mga health care provider network.
Ang funding suno kay Tumimbang ang maga gikan sa National Government paagi sa Philhealth. May yara sang special health fund kag kinahanglan ang pagtukod sang special health board para sa universal health care nga amo ang maga manage sang special health fund kag policy direction sini.
May napat-od na sila nga mangin katapo sang Special Health Board kag ini ang iga recommend sa gobernador.
Suno kay Tumimbang wala ini labot sa health board nga yara na nga daan sandig sa mandato gikan sa DILG. Mangin province-wide ang implementation sang universal health care.