Shadow

Pagpangapin sa watersheds ang isa sa mga solusyon sa pagbaha sa northern Negros

Ini ang gintalakay sang Provincial Environment and Natural Office sa mga tiglawas sang local government unit nga yara sa imbang kag malogo water shed kaupod ang iban nga mga ahensya sang gobyerno.

Kun mapuno sang tubig gikan sa kabukiran ang Imbang kag Malogo River naga baha ang area sang Talisay, Silay, EB Magalona kag Cadiz.

Suno sa kay PENRO Joan Nathaniel Gerangaya kinahanglan na nga tamnan sang mga puno sang kahoy ang mga water shed kag ini ang ila nga priority sa karon bilang sabat sa nagakatabo nga baha kun mag bubo ang ulan.

Luyag ni 3rd district Congressman Kiko Benitez nga coordinated ang ginahimo nga tikang sang mga LGU gani ginpatigayon ang pag sinapul.

Dako kuno nga bulig kun matamnan sang mga puno ang mga watersheds para maliakwan ang soil erosion nga amo ang rason nga dasig nga mapuno sang tubig ang waterways gani naga baha.

Secured By miniOrangeSecured By miniOrange