Digicast Negros

Pagpalip-ot ukon pagdula sang curfew sa Negros Occidental gina tun-an

Pag pa lip-ot sang ginapatuman nga curfew karon sa Negros Occidental, ukon ang pagdula sina ang ginatun-an sang probinsya.

Suno kay Negros Occidental Governor Eugenio Jose Lacson siya ang maga sapol anay sa mga alkalde sang kabanwahanan kag siudad para mapat-od man ang ila nga panindugan.

Yara na karon sa alert level 2 ang Negros Occidental. Sa guidelines sang National Inter-agency Task Force, ang lugar ginapaidalom sa alert level 2 kun ang transmission manubo na kag padayon nga naga nubo kag ang health care utilization manubo.

Napaidalom man sa alert level 2 ang isa ka lugar kun ang case count manubo pero nagasaka, ukon ang case count manubo kag padayon nga naga nubo pero ang total bed utilization rate kag intensive care unit utilization rate nagasaka.

Sa alert level 2, mas halog na ang gina patuman nga mga restriction kun ipa anggid sa alert level 4. Sa November 7 nga report sang provincial incident management team, 1,895 ang active cases sang Negros Occidental.

Samtang, 25.53 percent naman sa target population sang negros occidental ang nabakunahan suno kay provincial administrator Rayfrando Diaz. 465,926 sa 1.8 million nga target ang na nabakuhan. Nalakip na diri ang yadtong bisan maka isa lang ka beses nabakunahan.

“Within this week, if I see that majority of the local chief executives are in favor we may shorten the curfew hours or we may totally stop the curfew hours. (mapa gwa ka pa na eo gov?) Yes,” suno kay Lacson.

Exit mobile version
Skip to toolbar