Madasig nga pagpalab-ot sang financial assistance sang Bacolod LGU gikan sa Assistance to Individuals in Crisis Situation ang ginalauman paagi sa Bayad Agad System.
Masami nagakalawigan sa duha tubtob tatlo ka bulan pa antes mabaton sang mga benepisyaryo sang DSSD-AICS ang ginahatag nga financial assistance sang siudad.
Ginpahayag ni Bacolod DSSD head Alma Gustilo, ila na nga ginatinguhaan nga insigida ma-release ang pondo sa mga nagakinahanglan sang bulig paagi sa bayad agad system.
Paathag ni Gustilo, nagakalawigan ang pag-release sang pondo sa mga benepisyaryo ilabi na kun kulang ang ila gina-submit nga requirements.
Sang 2023, kapin sa masobra P30M nga pondo halin sa AICS ang na-release sang DSSD sa malapit 7,000 ka mga beneficiaries sang medical kag burial assistance.