Shadow

Pagpabaskog sang monitoring kag inspeksyon sa mga puerto gina duso sang PNP

PDEA photo

Gin hinyo sang Negros Occidental Police Provincial Office ang pag pabakod sang monitoring kag inspection sa tanan nga mga puerto sa Negros Occidental kasunod sang minilyon ka pesos nga balor sang iligal nga droga nga nagkala recover sang otoridad gikan sa gwa sang Negros.

Pinaka ulihi amo ang pag recover sang PDEA sang Biyernes sang 34 milyones pesos nga balor sang shabu sa lalaki nga nag byahe gikan Cebu kag nag dungka sa Escalante.

Suno kay Lt Abegael Donasco, PIO sang NOCPPO, nag coordinate na si NOCPPO director Colonel Leo Pamitan sa Philippine Coast Guard kag Maritime Police agud malikawan ang pag sulod sang kontrabando sa probinsya.

Isa sa gina tan-aw sang NOCPPO nga pwede mahimo amo ang pagpatigayon sang intensive paneling.

Damlag pa gin pahayag man sang Coast Guard nga ila na gin pabaskog ang monitoring kag security measures sa mga puerto.

Sang Enero, 10 milyones nga balor sang shabu ang na recover sa siyudad sang San Carlos nga gina patihan gikan sa gwa sang probinsya.

Sang amo man nga bulan na intercept sa Bredco port ang salakyan nga naga unod sang masobra 20 milyones pesos nga iligal nga droga.

Secured By miniOrangeSecured By miniOrange