Wala man sang may gin-report nga mortality ukon nagkalamatay sa mga kasapatan tuga sang pag buga sang abo sang Bulkan Kanlaon pero, pag hugos sa kadakuon sang mga kasapatan kag pag kunol sang tubo ang namutikan.
Ini suno kay Dr Placeda Lemana ang provincial veterinarian nga nag siling man nga ang ila talatapan upod sa mga partners sini ang padayon nga nga patuman sang veterinary medical mission sa mga mga kasapatan sa mga lugar nga apektado sang pagbuga sang abo sang bulkan.
Sini lamang suno kay Lemana sila ang nag patigayon sang veterinary medical mission sa Brgy Masulog sa La Castellana.
Stunted growth kag pag niwang sa mga kasapatan ang nakita nila nga epekto.
Wala labot sini ang mga gina halab sang kasapatan ang apektado man sang ash fall gani naga pili man ang kasapatan sang ila nga makaon.
Indi ma negar ang respiratory illnesses kaangay sang pneumonia sa mga kasapatan suno kay Lemana, pero sa karon wala man sang LGU nga nag report sang mortality ukon pag kapatay sa mga kasapatan.
“So far wala man sang nag-report nga may napatay. Pero may ara lang stunted ang growth, niwang pero wala mortalities. Affected. Ang iban nga kun pwede man lang nila nga ma slaughter gina slaughter na. Example kun ang manok, ilihawon na gina ihaw na lang kag gina konsumo na lang. Example mga baka mga carabao ma apektuhan gid pero wala sang mortality”, suno kay Lemana.