Paghawan sang mga merkado batuk sa illegal structures mangin prayoridad sang City Legal Office enforcement team.
May mga special permit pa nga na-issue sa pila ka mga vendors nga tubtob karon nagapabilin sa kilid sang karsada sa gwa sang tatlo ka mga dalagko nga merkado sa siudad Bacolod. Pero sa madasun nga tuig, amat-amaton na sila nga pangkakason sa pagpanguna ni anay Police Colonel Levy Pangue nga karon gin-appoint bilang team leader sang City Legal Office enforcement team.
Ginsiling ni Pangue nga kabahin sa iya tagaan prayoridad ang paghimos sa Burgos, Libertad kag Central Market batuk sa mga illegal structures. Ang natalana nga clearing operations ang may angut sa pagsulundan sang Department of the Interior and Local Government para mapasiguro nga mangin hilway ang mga dalan batuk sa mga obstructions.
Si Pangue ang anay pamuno sang Bacolod Traffic Authority Office antes na-appoint bilang executive assistant sang alkalde.