Temporaryo karon nga gina-supervise sang Public Order and Safety Office ang may anum ka mga overhead water tank project sa Purok Arao 2 sa Barangay Vista Alegre.
Pero sa tion nga ma-turn over na sang Department of Public Works and Highways ang proyekto, plano sang Bacolod LGU nga ibalik sa mga homeowners ang pagdumala sang water supply project.
Ginsiling ni Secretary to the Mayor Atty. Jose Marty Go, nakigsapol na sadto si Mayor Albee Benitez sa mga homeowners nga magpili sang ila masaligan nga mangin opisyal.
Indi malipod nga makapila na ka beses nga naga bangigay ang mga homeowners bangud sang gina-alegar mismanagement sang water supply project kag may mga water consumers nga wala nagabayad sang ila bulanan nga dues.