Wala sang kun ano man nga bagyo ukon low pressure area sa gwa kag sulod sang Philippine Area of Responsibility pero may posibilidad sa gihapon sang pag ulan.
Ang inter tropical convergence zone ukon ITCZ ang magdala sang ulan sa Mindanao kag Palawan.
Ang iban nga parte sang Visayas lakip na ang Negros Island Region ang maka eksperyensya sang mainit nga panahon tubtob sa weekend.
Suno sa PAGASA halalungan ang tuman ka init nga temperatura kun udto.
Sang nag ligad nga mga inadlaw naglapaw sa 40 degrees Celsius ang maximum heat index sa Negros Occidental.
Kun may pag-ulan gid man ina ang tuga lang sang isolated rainshowers.