Ginaplano nga Bagong Urgent Care and Ambulatory Services ukon BUCAS Center sa Barangay 14 sa Bacolod ang magapahagan-hagan sang pag-gutok sa regional hospital.
Ginahulat na lang ni Mayor Albee Benitez ang Memorandum of Agreement para sa ginaplano nga pagtukod sang BUCAS Center sa anay DAR Building sa Barangay 14 sa Bacolod.
Ang ginakabig mangin isa sa mini-hospital sang siudad ang ginapaabot mangin extension sang Corazon Locsin Montelibano Memorial Regional Hospital.
Paagi sa partnership upod sa Department of Health ginapaabot sang alkalde nga makabulig ang BUCAS Center sa pag-decongest sang mga pasyente sa, regional hospital.
Ang Bacolod LGU amo ang magatalana sang pondo para sa construction sang pasilidad kag ang CLMMRH ang maga-dumala sang mini-hospital.
Ini man ang sarang nga mapadulungan sang mga clustered barangays sa tion nga i-demolish na ang natukod nga Health Center sa Barangay 12 nga nasakpan sang city property nga iga-develop sang SM Prime Holdings Incorporated.