Pag baligya sang 20 pesos nga kilo sang bugas sa banwa sang Pulupandan ang na postpone ukon napaisol sa June 24.
Imbes nga sang weekend, suno kay Negros Occidental Governor Eugenio Jose Lacson gin-propose sang Pulupandan LGU nga i-schedule ang pagbaligya sang 20 pesos nga kilo sang bugas sa Hunyo 24 para ini ang mahandaan.
Paagi sa FIACN-BRIS ukon Federation of Irrigators’ Association of Central Negros-Bago River Irrigation System ang pagbaligya sang barato nga bugas.
Damlag pa ginsiling sang gobernador nga limitado sa 50 tanan ka sako sang bugas nga mabaligya para sa bilog nga bulan.
Ini ang kabahin sang participation sang probinsya sa ginaduso nga barato nga bugas sang Marcos Administration samtang padayon pa nga gina plastar ang programa nga ginaduso kaupod ang Food Terminal Incorporated, National Food Authority kag LGU.
Suno kay Lacson sila ang naga hulat sa NFA bahin sa availability sang bugas gani una na anay nga magabaligya paagi sa FIACN-BRIS ang Negros Occidental.
Ang probinsya ang naga bulig na sadto pa sa FIACN -BRIS kaangay sa kagastuhanan sa labor, rason nga tigayon ang grupo maka baligya sang barato nga bugas.
Maka pila ka bases na sadto nag baligya ang FIACN-BRIS sang tig 25 pesos nga kada kilo sang bugas, kag subong ila nga gin papanaog pa gid sa P20 ang kilo.