Bacolod LGU tuyo nga mapadayon ang pagbaligya sang tig-P20 per kilo nga bugas asta sa Disyembre.
Sa Huwebes ang ulihi nga delivery kag pagbaligya sang tig-P20 nga kilo sang bugas sang Bacolod City LGU sa mga barangay.
Pero ginsiling ni Mayor Albee Benitez nga magasugilanon siya kay incoming Mayor Greg Gasataya para mapadayon ang pagbaligya sang mas barato nga bugas asta sa Disyembre.
Ang City Cooperative and Livelihood Development Office ang nagpain sang masobra P7M nga pondo para sa pag-roll out sang barato nga bugas.
Ginapaabot ni CCLDO head Brenda Burdeos nga mapadayon ang rice subsidy program agud nga mas madamo pa ang mabuligan.
Kabahin ini sang food security program sang Marcos Administration nga luyag sang Department of Agriculture nga mapalawig asta sa 2028.