Mga 300 ang target nga mabakunahan sang probinsya buas nga adlaw sa launching sang pagbakuna sa mga menor de edad nga may co-morbidities.
Sa Teresita Lopez Jalandoni Provincial Hospital sa Silay City patigayunon ang pag bakuna sa mga kabataan humalin dose tubtob 17 anyos.
Suno kay Atty Rayfrando Diaz, sa karon gina finalize pa kun pila gid ang magapabakuna sa buas nga adlaw pero ang probinsya sarang maka accommodate tubtob sa 500 ka kabataan sa bilog nga adlaw.
Panugod ini sang pagbakuna sa mga kabataan kag gina lantaw man sang probinsya nga kun mag tayuyon na, maga bukas man sila sang vaccine center sa ospital sa Cadiz kag sa ospital sa Kabankalan.
Padayon man ang registration para sa Covid-19 vaccines sa mga kabataan. Pfizer ang gamiton para sa ila.
Padayon man ang pag abot sang supply sang bakuna kasubong vaccination program sa tagsa ka local government unit suno kay Diaz.