Indi pabor si Vice-Mayor El Cid Familiaran sa nakasugtan nga rates nga ginasukot sa mga homeowners sang relocation site sa siudad.
Gani luyag niya nga ini ang maligwat pabor sa mga awardees sang duta.
Pinaagi sa ginapatuman nga City Ordinance 1040 ukon ang Homelots Ordinance, may P360 per square meter ang ginasukot sa mga original homeowners sa Progreso Village sa Barangay Vista Alegre kag nagalab-ot naman sa P1,800 per square meter ang para sa non-original ukon mga buyers sang duta.
Naga-gwa nga kapin sa P3,100 ang mangin bulanan nga balayran sang original awardee sa average nga 64 square meters nga duta sa sulod sang tatlo ka tuig.
Ginpaathag ni Bacolod Housing Authority Head Ma.Victoria Parrenas, ang mga homeowners pa lang sa Progreso Village ang una nga nagbalayad base sa ginapatuman nga City Ordinance 1083.
Wala pa sang nakasugtan nga rate sa mga homeowners sa relocation site sa Barangay Handumanan kag Estefania samtang nagapadayon ang public consultations.