Bangud indi makalawig sa isa ka oras ang battery sang mga nabakal nga body cameras sang Bacolod Traffic and Transportation Management Department plano na lamang karon ni officer in-charge Patrick Lacson nga i-donate ini sa Bacolod Disaster Risk Reduction Management Office.
Ginsiling ni Lacson nga sarang ini magamit sang mga emergency responders kag bisan sang iban pa nga mga ahensya. Sa baylo nga ibalik pa ang 300 ka mga body camera units, tuyo sang pamunuan sang BTTMD nga magbakal sang 20 ka mga units nga mas maayo kag sarang magamit sang mga traffic personnel sang inoras.
Ang mga body cameras ang gin-request sadto sang BTTMD para mangin transparent ang pagserbisyo sang mga traffic personnel kag magamit ang mga kuha sang body cameras sa mga pag-usisa sang insidente kag reklamo.