gratify sang Bicameral Conference Committee report sa term extension sang Brgy kag SK officials tubtob 2026 gindayaw sang pila ka mga city officials sa probinsya.
Gin-ratify na ang bicameral conference committee report angut sa pagpalawig sang termino sang Barangay kag SK officials sa sulod sang apat ka tuig.
Dungan sini ang pag postpone sang December 2025 Barangay kag SK Elections kag pagatalana sini sa una nga Lunes sang November 2026.
Kutob lang sa mga barangay officials ang may maximum nga three consecutive terms samtang isa lang ka termino ang ginahatag sa mga SK officials kag indi na pwede sila mag pa-re-elect.
Ginpakamaayo naman ini ni Congressman Greg Gasataya sa pagpati nga natapos na gid man ang mga debate angut sa ginaduso nga term extension sang mga Barangay kag SK officials.
Gindugang niya ang pagpalawig sang termino sang mga barangay officials ang makapasiguro nga matagaan sang katumanan ang ila mga tinutuyo nga programa kag proyekto sa komunidad.
Ini man ang ginapaabot ni Bacolod City Liga ng Barangay President Lady Gles Gonzales – Pallen ilabi na nga malip-ot ang duha ka tuig nga nahatag sa mga sini lang nga elected barangay kag SK officials.
Para naman kag Victorias City Mayor Javier Miguel Benitez nga nagaserbe pamuno sang Negros Association of Chief Executives ang performance, sinseridad kag matuod nga pagserbisyo sang mga barangay leaders ang labaw sa tinuig kag termino.
Pero nagapati siya nga ang pagpatuman sang four-year term ang makahatag giya sa mga barangay officials nga makaplano sang maayo para sa igapatuman nga mga programa.
Iya man ginapaabot sa mga lideres sang barangay nga mapatuman ang matuod kag nagakaangay nga progreso nga sandig sa ila mandato nga may transparency, accountability kag heart.