Ginaplano nga pag-operate sang peryahan sa Lacson Street para sa MassKara Festival ginbalabagan sang katapo sang konseho.
Tatlo sa mga katapo sang konseho nalakip diri si Councilor Jason Villarosa nga pamuno sang Committee on Tourism sang konseho ang nagpamalabag sa ginhinyo sang Bacolod Yuhum Foundation nga matugutan ang pag-operate sang ginaplano nga peryahan sa Lacson Street dungan sa natalana Music Festival sa Oktubre 25 asta 27.
Gani gin-defer ni Councilor Celia Flor ang request. Ang 5 Star Grand Carnival nga amo man ang nagadumala sang amusement area sa likod sang Bacolod City Government Center ang naghinyo nga maka-operate sila sa Lacson Street. Pero para kay Villarosa ini ang indi nagakaangay para sa ginakabig food tourism strip sang siudad.
Nagligad lang nga Lunes sang gin-recommend man sang konsehal ang pagpa-untat sang operation sang peryahan sa sulod sang Bacolod Public Plaza. Ini ang gilayon nga ginpakakas sang City Legal Office sandig sa mando ni Mayor Albee Benitez sang matalupangdan nga wala ini sang permit.