Kasunod sang namutikan nga pagsaka sang kaso sang trangkaso kag iban pa gid nga masakit sa mga kabataan dala sang pag-ulan ulan, may mga eskwelahan sa idalom sang DepEd – Negros Occidental Division nga naga haylo sang pag gamit sang face mask.
Suno kay Ian Arnold Arnaez ang spokesperson sang Negros Occidental DepEd Division, may mga nagmalasakit nga kabataan pero sa pila man lamang ka areas kag indi sa kabilugan.
Gani yara na sa discretion sang eskwelahan nga maghaylo sa mga estudyante nga mag gamit balik sang face mask.
Damlag pa may pila man ka mga private schools ang nag shift sa online classes agudto mapaiway ang latnanay sang masakit.
Para kay Negros Occidental Governor Eugenio Jose Lacson mas maayo gid kun mag gamit sang face mask kun yara sa mga enclosed areas.
Ini nga bagay ang natun-an na sang tanan sang pag-igo sang Covid suno sa iya.
Para sa gobernador nagahaylo man sya pero personal na nga desisyon ang pag gamit sang face mask.