Mayor Albee Benitez gina abi-abi ang suporta sang katapo sang kongreso para sa prangkisa sang NEPC.
Apat na ka mga kongresista ang maga suporta para maduso ang franchise application sang Negros Electric Power Corporation – ang natukod nga kumpanya pinaagi sa joint venture agreement sa tunga sang Central Negros Electric Cooperative kag Primelectric Holdings Incorported.
Ini ang gina-abi abi naman ni Mayor Benitez sa pagpati nga nagakaangay man suportahan ang kombuyahan nga nagapasalig sang mas maayo nga serbisyo sa mga kunsumedor ilabi na sa Bacolod.
Panugod pa lang ang prangkisa para sa NEPC pero ang ginapaabot sang alkalde amo ang pagtuman sang kasugtanan sang Primelectric kag Ceneco bahin sa pag-improve sang pasilidad sang distribution utility.
Sandig sa House Bill 9310 nga ginduso sa kongreso nanday 3rd District Rep Francisco Benitez, Abang Lingkod Party Representative Stephen Paduano kag 4th District Rep Juliet Ferrer dako ang potential sang NEPC nga mabag-o ang power distribution utlity landscape sa probinsya sang Negros Occidental.
Suno kay Mayor Benitez suportado man ni Bacolod Congressman Greg Gasataya ang amo nga hagna sa kongreso.