Masobra sa 15,000 ka dose sang Sinovac vaccine ang ginroll out kaina sang aga sa mga banwa kag siudad sa Negros Occidental.
Ini ang kabahin sang 80,000 ka Sinovac vaccine nga nag abot sa probinsya sini nga semana.
Kun lubos na nga ma rollout ang 80,000 ka dose sang Sinovac vaccine sa masunod nga semana, magadangat na sa masobra 340,000 ka dose ang na dapat sa Negros Occidental.
Kahapon pa ginsugdan ang rollout. Sa 70 percent nga target mabakunahan, halos 12 percent ang nalab-ot sang probinsya.
Sa gihapon naga depende naman sa kadamuon sang bakuna nga maga abot sa Negros Occidental ang paglab-ot man sang target suno kay Diaz.
Padayon man ang pagbakuna para sa second dose nga nagalakip sa mga kapulisan sang Negros Occidental nga ginpadal-an sang pnp headquarters sang ila nga supply.
Samtang padayon ang pagnubo sang Covid-19 cases sang Negros Occidental. 665 ang active cases as of August 25.
Wala naman sang problema sa mga ospital kag padayon nga manubo ang occupancy rate ukon indi ini puno.