Dapat nga magpangaman. Ini para kay Governor Eugenio Jose Lacson sa gina siling sang PHIVOLCS nga the Big One sa Negros Occidental.
Sa press conference sang Lunes diri sa Bacolod, ginsiling ni PHIVOLCS Director, Teresito Bacolcol nga indi lamang ang Metro Manila ang pwede nga maigo sang the “Big One” ukon ang gina tumod nga threat gikan sa isa kadaku nga linog bangud sarang man ini nga mag igo sa isla sang Negros.
Paathag ni Bacolcol, ang Negros Trench sarang maka generate sang 8.2 magnitude nga linog nga pwede mag tay-og sang bilog nga isla. Kun manabaw ini pwede makatuga sang tsunami sa western coastline sang Negros, Panay, kag bisan pa sa Palawan kag Zamboanga.
Ang Negros Trench nagatumod sa oceanic trench nga yara sa northeast sang Sulu Trench kag sa west nga bahin sang Negros Island Region sa Visayas kag nagalaba sang 400 kilometers.
Suno kay Governor Lacson indi man makasiling nga handa ang probinsya para diri pero dapat nga handaan lakip na sang mga LGUs.
Suno kay Lacson pwede nga makapatuman sang assessment sa mga buildings kag iban nga infrastructure sang probinsya, ang mga LGU ang pwede niya nga mahaylo nga ila naman mangin responsibilidad ang pag patuman man sini sa ila tagsa banwa kag siudad.
“That is what exactly Sec Solidum was telling us, we should reinforce our buildings, just to make sure they can at least withstand a six or seven intensity”, suno kay Lacson.*