May tatlo na ka adlaw nga wala magtahaw ang tubig baha sa Purok Roadside sa Brgy. Tangub sa Bacolod City.
Apektado diri ang mga 300 ka pamilya. Gani kaina sang aga, gin-usisa sang mga residente kun ngaa mahinay ang pagtahaw sang baha nga nagasulod sa ila balay.
Tubtob nga ila napat-ud ang pader nga nagatabon malapit sa inlet sang drainage.
Wala pa mapat-ud kun sin-o ang nagpatukod sang pader pero gilayon nga ginbungkag ini sang pila ka mga kalalakin-an.
Ang pader ang napahamtang sa tunga sang isa ka apartel kag pribado nga compound.
Ginpalab-ot na sang mga residente ang amo nga insidente sa barangay.
Nagalaum sila nga mabuligan sila kag masolusyunan ang pagbaha sa lugar ilabi na nga apektado ang ila matag-adlaw nga hilikuton kag negosyo.