124 sa karon ang active COVID-19 cases sang Negros Occidental.
Ini sandig sa March 8 nga datus sang Provincial Incident Management Team.
Suno kay Atty Rayfrando Diaz kalabanan sa mga active cases mga locally stranded individual nga ayhan gikan sa Manila ukon Cebu.
May pagsaka sa kaso karon sang COVID sa National Capital Region suno sa Department of Health.
Sa March 7 nga datus suno kay Diaz, masobra sa 80 sa 116 ka active cases sang Negros Occidental mga LSI.
Samtang, wala sang active COVID case ang Don Salvador Benedicto, Candoni, Pulupandan kag Valladolid.
Napadala naman sang probinsya sa National Inter Agency Task Force ang executive order sini nga nagapatuman sang pag swab sa mga naga abot sa probinsya.
Kun ipatuman sang ang Resolution 101 ukon ang uniform travel protocol ang probinsya ang maga require sa mga maga abot sa Negros Occidental sang negative RT-PCR test result nga abagahon naman sa mga natungdan.