Shadow

Lalaki nga sakay sa motorsiklo patay matapos mabunggo sa AUV

Police Station 8 photo

Patay ang 28 anyos nga si Tomas Gedalanga matapos makabunggo sa AUV nga gina maneho sang isa ka teenager sang Dominggo sa dalan Araneta bahin sanng Barangay Tangub.

Suno kay Police Major Joery Puerto, pamuno sang Police Station 8, ang 19 anyos nga si Chicel Ann Yuro nga amo ang naga maneho sang Toyota Innova ang nag tabok sa dalan agud tani mag left turn sang makabunggo ang motorsiklo ni Gedalanga.

Angkas pa ni Gedalanga ang iya live in partner nga si Beverly Pilongo nga pilason man.

Suno kay Puerto, na alang alang na sa pag likaw si Gedalanga sang iya motor bangud sa nag lapaw na ang AUV sa iya sini nga linya gani nag rekta bunggo ang motorsiklo sa salakyan.

Gindala pa sa ospital si Gedalanga pero wala na siya matabangan. Luwas naman sa katalagman ang iya live in partner nga angkas.

Gin detain ang teenager nga driver sang AUV pero naka gwa na ini matapos mag lapse ang reglementary period.

Leave a Reply

Your email address will not be published. Required fields are marked *

Secured By miniOrangeSecured By miniOrange