Shadow

PAATHAG | Kun may natabo nga aksidente sa dalanon kag may napatay, ngaa bala ang driver sang isa ka salakyan bisan wala pa sang sala, gina detain?

Sunod sunod ang mga kaso sang pag bungguanay sang mga salakyan ukon motorsiklo sa dalanon sang nagliligad nga semana kun sa diin may nagkalamatay.

Ang pirme nga pamangkot, ngaa gina preso ang drayber nga wala man sang sala? Nangayo kita sang pagpaathag sa pamuno sang traffic management unit sang Bacolod nga si Police Lieutenant Colonel Luisito Acebuche parte diri.

Suno sa iya, kinahanglan nga dal-on sa police station kag i-detain ang driver samtang ginahanda ang criminal case batuk sa iya…. may sala man siya ukon wala.

Ini bangud kun mapasaka na ang kaso, ang fiscal ukon ang prosecutor amo na mismo ang maga-usisa kag maka siling kun bala may negligence ukon kapabayaan sa bahin sang driver.

Sa Rules on Criminal Procedure, sa ti-on nga ginasuspetsuhan ang isa ka persona nga naghimo sang isa ka krimen, mahimo siya nga dakpon kag i-detain para mapasakaan sang kaso.

Kasubong man ini sa ginahimo sa driver… kinahanglan siya anay nga i-detain samtang ginahanda ang kaso nga ipasaka batuk sa iya.

Sa sulod sang reglamentary period ukon ang ang kalawigon sang oras sa pag detain sa driver… Kinahanglan nila nga mahingagaw nga mapasaka ang kaso nga reckless imprudence resulting in homicide bangud kun maglapaw sa reglementary period kag wala pa nila nakasuhan ang driver, dapat nila ini nga buy-an bangud kun indi, mahimo sila nga kasuhan sang arbitrary detention.

Ang reglementary period para sa kaso nga reckless imprudence resulting to homicide ang 18 ka oras lamang. May mga ti-on man nga may yara sang amicable settlement ukon pag areglohanay sa tunga sang driver kag sa pamilya sang napatay.

Kun matabo ini, mahimo na nga mahilway ang driver bangud indi na siya pagpasakaan sang kaso kundi bayran na lamang ang pamilya sang biktima sa mga galastuhon kag danyos.

May naga siling nga kun pigado automatic nga nagaka preso sang driver… Bisan sin-o ka man kag kun ano man ang estado mo sa kabuhi indi ka excused sa pagka detain kay man ini ang nasaad sa aton nga layi.

Pero depende na sa diskarte sang driver kun paano niya ini malutsan.

Ang driver nga nasamaran man sa aksidente ang pwede iderecho sa ospital para magpabulong… isa ini ka rason para ang drayber indi mag derecho sa police station.

May mga ti-un naman nga ang drayber sang salakyan nga nakabunggo ukon nabungguan ma deklarar nga naglain ang iya pamatyag…. para indi ma detain.

Sa liwat depende sa diskarte para malusutan ang layi.

Leave a Reply

Your email address will not be published. Required fields are marked *

Secured By miniOrangeSecured By miniOrange