Naubos na sang probinsya panagtag ang 91 milyones pesos nga cash assistance gikan sa National Housing Authority.
Ang banwa sang Cauayan ang pinaka ulihi nga nahatagan sang tig 5,000 pesos nga cash assistance bilang bulig sa mga nagub-an sang balay sang mag -igo ang Bagyo Odette sang bulan sang Disyembre. 3,989, ukon 19.9 million pesos ang kabilugan nga nahatag sa banwa sang Cauayan.
Suno kay Governor Eugenio Jose Lacson nga nag pa muno sang pag panagtag, nahuman naman ang pag release sang gikan sa National Treasury nga 40 million pesos.
Sa pihak nga bahin, isa man sa mangin priority ni Mayor John Rey Tabujara sa banwa sang Cauayan amo ang pag rehabilitate sang water system sang banwa.
Suno kay Tabujara, apektado ang supply sang tubig sa Barangay Poblacion, Isio kag Tiling, bangud sang salt intrusion.
400 tubtob 500 ka mga panimalay ang apektado sini.
Kalakip man sa priority ni Tabujara ang housing sang mga retired nga empleyado kag ang programa sa agrikultura.