Shadow

Diaz: 2 ginapilian para mangin OIC-provincial veterinarian; food security sang probinsya paga tutukan

Duha sa karon ang prospect nga gina lantaw nga maga serbe bilang OIC-provincial veterinarian sang Negros Occidental.

Ini suno kay Provincial Administrator Rayfrando Diaz, nga nag siling man nga ini ang gina lantaw pa sang gobernador.

Sa Hunyo 30 maga retiro si Provincial Veterinarian Dr Renante Decena nga maga serbe naman nga provincial consultant for food security.

Suno kay Diaz sa tunga sang pag panghangkat karon dala man sang pangkalibutanon nga sitwasyon, ang food security ang isa sa mga tutukan sang administrasyon Lacson.

Sa pihak nga bahin nag pa gwa sang memorandum ang gobernador sa tanan nga mga alkalde bahin pag pabakod pa gid sang pagpatuman sang biosecurity measures sa poultry kag gamefowl farms.

Sa tunga sang outbreak sang Avian influenza sa nagkalain lain nga bahin sang pungsod dapat nga ipatuman ini suno kay Lacson para mapangapinan ang 8 billion peso industry.

Nalakip na diri ang pag pa register sang mga poultry kag gamefowl farms kag regular nga inspection sini, pagpatuman sang istrikto nga veterinary quarantine procedures, gilayon nga pag report sang mga poultry diseases kag pag submit sang samples para Avian influenza testing.

Secured By miniOrangeSecured By miniOrange