Tigayon na nga na approve sang Sangguniang Panlalawigan sang Negros Occidental ang ginhinyo nga supplemental budget para sa Service Recognition Incentive sang mga empleyado.
Sa session sini lamang nga hapon, gin-approve na sang SP ang pondo para sa SRI nga naga balor sang 60 million pesos.
Tig P20,000 ang batunon nga SRI sang permanent kag casual nga empleyado.
Damlag pa suno kay Provincial Administrator Rayfrando Diaz, na process na ang ang payout para sa Productivity Enhancement Incentive kag Collective Negotiation Agreement bonus sang mga empleyado.
P5,000 pesos ang batunon para sa PEI kag P30,000 naman ang para sa CNA bonus. P55,000 pesos ang kabilugan nga kantidad nga batunon para sa additional bonuses sini nga Disyembre.
Sa pihak nga bahin, gin suguran naman panagtag ang Christmas gift packs para sa mga job order kag contract of service workers sang probinsya.
Wala labot sini may bugas man nga batunon ang mga JO kag COS workers nga suno kay Diaz ang gikan sa personal nga pondo sang gobernador.
Gina pasalamatan ni Governor Eugenio Jose Lacson ang mga JO kag COS workers sa ila nangin papel sa mga projects kag programa nga gina patuman sang gobyerno probinsyal.