Ginsiling ni Councilor Jude Thaddeus Sayson, pamuno sang Committee on Appropriations and Finance nga ginabulubanta yara sa 5 billion pesos ang ginaduso nga annual budget sang Bacolod City para sa tuig 2027.
Ini ang mas mataas sang sa 4.7 billion pesos nga budget sang siudad sa sini nga tuig.
Dugang pa sang konsehal, ginapaabot naman nga kada tuig nagasaka ang ginaduso nga budget bangud sa mga proyekto man nga gusto ipatuman sang tagsa ka departamento.
Halos tanan nga mga department heads ang suno sa iya nakapasa na sang proposed budget kag ginapaidalum na ini sa karun sa slashing.
Kun tigayon na nga mahuman ang proposed budget para sa 2027, iga-review pa ini ni Bacolod City Mayor Greg Gasataya antes ipasulod sa SP.
Ginsiling man ni Sayson nga nagsaka ang National Tax Allotment ukon NTA nga nakuha sang siudad sa sini nga tuig.
[sibwp_form id=1]