Kapin sa 5.4 milyones pesos nga balor sang iligal nga droga ang nakumpiskar sa ginpatuman nga buy-bust operation sang kapulisan sa siudad sang Victorias.
Dakop ang mag-amay nga sanday Ponciano Tang kag ang anak nga si Christian sang ginpatigayon sang Victorias City Police ang buy-bust operation batuk sa ila sa Barangay 2, Martes sang hapon.
Ang mag-amay ang ginakabig high value individual.
May 80 tanan ka mga sachet sang ginapatihan shabu nga nagabalor sa kapin P5.4 milyon ang gin-alegar na-recover sa ila.
Detained sila karon sa Victorias City PNP station.
Pasakaan sila sang kaso angut sa pagsupak sang Republic Act 9165 ukon Comprehensive Dangerous Drugs Act of 2002.