Panaad Park and Stadium sa karon ang gina handa naman sang probinsya para sa mga evacuees enkaso nga kinahanglanon ang dugang nga evacuation center.
Suno kay Provincial Administrator Rayfrando Diaz, ang camp management team ang probinsya ang naga set-up sang tents sa lugar.
Nalakip sa gina handa ang ground floor sang stadium kag ang second floor naman gina pasiguro nga mangin luwas ini gikan sa mga alagit-it.
Suno kay Diaz mga 5,000 ang sarang ma accomodate nga evacuees sa Panaad.
Ginahanda ang lugar enkaso nga magsaka pa gid ang kadamuon sang evacuees.
May nahanda naman ang probinsya nga mga provisions para sa kinahanglanon sang mga apektado sa sulod sang tatlo ka semana.
Damlag pa ginsiling ni Sec Gilberto Teodoro ang NDRRMC Chairperson, sa ila nga pagsugilanon ni Governor Eugenio Jose Lacson nga ginalantaw nila nga maga lawig sang tatlo ka semana ang pag tenir sang mga evacuees gikan sa lugar nga sakop sang 6km radius sang bulkan.
Pero, kun may makita nga senyales nga maga lupok pa gid liwat ang bulkan mahimo nga mag extend sa 10 kilometer radius nga dapat iga hawanan ukon iga evacuate kag gina lantaw nga maga dangat sa 200,000 ka pumuluyo ang apektado.
Padayon man ang pag padala sang probinsya sang bulig sa mga apektado nga lugar kag ini ang naga lakip sang fuel, masks kag food packs.