Gin-aprobahan na sang konseho ang P40.5M nga pondo para sa incentives nga natalana mabaton sang mga empleyado sang siudad sandig sa collective negotiation agreement.
Ginpahayag ni Mayor Albee Benitez nga ginpasakaan ang CNA incentive gani sarang makabaton sang tig-P30,000 ang mga empleyado.
Sa pihak nga bahin, gin-ratify naman sang konseho ang memorandum of agreement sa tunga sang Bacolod Lgu kag Legacy MKU Construction Incorporated nga amo ang magatukod sang legislative building.
Sa Disyembre 4 ang groundbreaking para masuguran na ang P514M legislative building project sa likod sang Bacolod City Government Center.