
Detained karon ang tatlo ka mga persona matapos makuhaan sang P489,000 pesos nga balor sang shabu sa ginpatigayon nga drug buy-bust operation sang City Drug Enforcement Unit sa Purok Lubi Brgy. 3 siudad sang Bacolod, kahapon sang kaagahon.
Ang mga nadakpan ginkilala sanday Jimmy Cordova, Michael Ababa kag Wilfrando Francia, lunsay mga high value individual (HVI) kag mga residente sa lugar.
Suno sa kay Police Captain Joven Mogato, pamuno sang CDEU, nakuha sa tatlo ka mga suspek ang 18 ka mga heat sealed transparent plastic sachet sang supected shabu.
Magapangatubang sang kaso ang tatlo ka mga suspek sa paglapas sa RA 9165 ukon Comprehensive Dangerous Drugs Act of 2002.